ШҚО экология департаменті басшысының орынбасары пара алды деген күдікке ілінді

ШҚО экология департаменті басшысының орынбасары аса ірі көлемде пара алды деген күдікке ілінді.

Оның қамауға алынғанын Антикор хабарлады.

«Ол облыстағы кәсіпорындардың бірінен ҚР ӘҚБтК-нің 328-бабының 4-бөлігі «Қоршаған ортаға жол берілетін антропогендік әсер ету нормаларын бұзу» бойынша әкімшілік жауапкершілікке тартпау үшін ірі көлемде пара алды деген күдікке ілінді» деп түсіндірді департамент.

Соттың санкциясымен басшының орынбасары қамауға алынды. Сотқа дейінгі тергеу жалғасуда.