Шайбалы хоккей командасында екі азаматтығы бар ойыншы ойнайды

Азия ойындарына қатысатын ұлттық шайбалы хоккей командасының құрамы анықталды. Ойыншылар қатарында Вячеслав Колесников бар. Ол бұрын басқа елдің азаматтығында болған, деп хабарлайды Orda.kz Tengri Sport сайтына сілтеме жасап.

Бүгін, 28 қаңтарда Харбиндегі қысқы Азиада ойындарына қатысатын Қазақстан құрамасының толық құрамы жарияланды. БАҚ пен әлеуметтік желідегілер хоккей құрамасының шабуылшысы Вячеслав Колесниковқа баса назар аударды. 

Континентальды хоккей лигасының ресми сайтында 24 жастағы Колесников Ресей азаматы деп жазылған. 

Дегенмен Pro Hockey Legacy ресми сайтында ойыншы қазақстандық деп өзгертілген.

Айта кетейік, шабуылшы өзінің мансабын Ресейдің жасөспірімдер лигасында бастаған. Содан кейін бірнеше жыл «Спутник» және «Ермак» командасының мүшесі болды. Ойыншы 2021 жылдың қараша айында Қазақстанға көшіп, Петропавлдың «Құлагерінде», Көкшетаудың «Арлан» командасында және елордалық «Номад» командасында ойнады.