Семейде кіші сынып оқушысын ұрып-соққан мектепте тағы дау шықты

Семейде кіші сынып оқушысын қатыгездікпен ұрып-соғып кеткен мектепте тағы оқыс жағдай,  деп хабарлайды Orda.kz.

26 ақпанда полицияға ғимаратта бомба қойылғаны туралы хабарлама түскен.

«Оқиға орнына төтенше қызметтер жиналып, адамдар эвакуацияланды және аймақ қоршалды. Тексеру нәтижесінде жарылғыш құрылғы табылған жоқ»,  деп хабарлады Абай облыстық полиция департаменті

Полиция тергеуді бастады, бірақ жалған терроршы әлі табылған жоқ.

Еске сала кетсек, бірнеше күн бұрын бір топ жасөспірім төменгі сынып оқушысын аяусыз соққыға жыққан болатын. Жәбірленушіге жасалған зорлық-зомбылық бейнеленген видео әлеуметтік желілерде тарады. Кадрларда жасөспірімдердің баланы теуіп, басынан ұрып, тіпті үстіне секіргені анық көрінеді. Полиция аталған факт бойынша қылмыстық іс қозғады.