Сел кезіндегі қауіпсіздік ережелері

ҚР Төтенше жағдайлар министрлігі сел кезіндегі қауіпсіздік ережелері туралы айтты. Лай көшкінінен сақтану арқылы ғана өзіңізді құтқара аласыз, дейді ведомство өкілдері.

Құтқарушылар ең алдымен тауға шықпас бұрын жолды мұқият зерделеуді ұсынады.

Сонымен қатар, әсіресе қатты жаңбырдан кейін сел қаупі бар аймақтардан аулақ болу керек.

Жақындап келе жатқан селдің шуын естігенде дереу сай түбінен өрге қарай кем дегенде 50-100 метрге көтерілуіңіз керек.

Өмірге қауіп төндіретін үлкен тастарды сел ағыны ұзақ қашықтыққа лақтыруы мүмкін.

«Әрқашан есіңізде болсын, лай көшкіні мен селден қашып құтыла аласыздар» деп ескертеді Төтенше жағдайлар министрлігі.

Сондай-ақ, департамент 112 бірыңғай нөмірінен келетін ескертуге құлақ асуды және сел қаупі төнген жағдайда тауға сапарыңызды кейінге қалдыруды ұсынады.

Төтенше жағдай кезінде 112 нөміріне де хабарласу керек.