Сел қаупіне орай еліміздің таулы аймақтарындағы алдын алу шаралары күшейтілді

Қазақстанның таулы аудандарында сел қаупі кезеңінің белсенділігі кеми қойған жоқ.  Морена көлдерінің жарылуы мен сел тасқынына байланысты төтенше жағдайларды болдырмау үшін ауқымды алдын алу іс-шаралары жүзеге асырылуда, деп хабарлайды Төтенше жағдайлар министрлігінің баспасөз қызметіне сілтеп Orda.kz.

«Еліміздің таулы аудандарында сел қаупі белсенділігі жалғасуда. Морена көлдерінің жарылуы мен сел тасқынына байланысты төтенше жағдайларды болдырмау мақсатында республикада ауқымды алдын алу іс-шаралар жалғасып жатыр» деп жазылған хабарламада. 

ТЖМ мәліметінше, елімізде 610 сел қауіпті учаске мен 970 теңіз-мұздық көлдері бар. Гидрометеорологиялық жағдайды бақылауды 118 стационарлық және маусымдық бекеттер, сондай-ақ «Қазселденқорғау» ММ 30 диспетчерлік пункттері жүргізеді.

Маусым айының басынан бері әлеуетті қауіпті аймақтарда 694 жер үсті және 14 аэровизуалдық зерттеу жүргізілді. Жедел әрекет ету үшін 11 авариялық-механикаландырылған бригада құрылды. Сел аудандарында 166 ескерту және үш ақпараттық қалқан орнатылды, халыққа және кәсіпорындарға 1692 ескерту-ұсынымдар берілді. 

Алдын алу жұмыстары аса қауіпті 15 көлде жүргізілі. Маусым басынан бері құйылымдар мен арықтардың көмегімен 2102,72 мың текше метр су ағызылды. 

«Қазавиақұтқару» АҚ-мен бірлесіп 23 биік таулы учаскеде тәулік бойы мониторинг жүргізу үшін жабдықталған бригадалар, батиметриялық өлшеулерге арналған топтарды және бақылаушыларды жеткізу бойынша авиациялық операциялар жүргізілді.

 
ҚР Төтенше жағдайлар министрлігі сел кезіндегі қауіпсіздік ережелері туралы жыл сайын қайталап отырады.  Жақында Үлкен Алматы шатқалында, Күмбелсу жоғары таулы гидропостында құтқарушылардың тәулік бойы кезекшілігі үшін  капсулалық үй орнатылды.