Сегіз миллион гектар жер мемлекетке қайтарылды – Тоқаев

Мемлекет басшысы Қасым-Жомарт Тоқаев парламентке жыл сайынғы жолдауын жариялады. Ол өз сөзінде жерді мемлекет меншігіне қайтару бойынша үкімет жұмысына ерекше тоқталды.

«Пайдаланылмай жатқан немесе заңсыз берілген 8 миллион гектар жер мемлекет меншігіне қайтарылды. Мен қазірдің өзінде іс жүзінде жүзеге асырылып жатқан бастамалардың бір бөлігін ғана атадым. Көптеген жұмыстар атқарылды, ол жалғасын табады», -  деді Тоқаев.

Сондай-ақ ол 2020 жылдан бері мұғалімдердің жалақысы екі есеге өскенін еске салды. Дәрігерлердің жалақысы да өсті, қазір олардың табысы елдегі орташа жалақыдан әлдеқайда жоғары. Азаматтарға жинақталған зейнетақы қаражатының бір бөлігін пайдалануға мүмкіндік берілді.

«Бұл шара миллионға жуық адамның әл-ауқатына оң әсерін тигізіп, олардың баспана мәселесін шешуге мүмкіндік берді. «Жайлы мектеп» жобасы аясында 400-ге жуық мектеп салынады. Елордада 300-ден астам денсаулық сақтау нысаны салынуда. «Балаларға арналған ұлттық қор» жобасы басталды, оның аясында жаңа жылдан бастап балалардың есепшотына қаражат түсе бастайды»,-  деді президент.