«Самұрық-Қазына» ұлттық әл-ауқат қорында 122 млрд-тан астам бұзушылықтар анықталды

«Самұрық-Қазына» ұлттық әл-ауқат қоры АҚ-дағы жоғары аудиторлық палата 122 млрд-тан астам бұзушылықтарды анықтады, деп хабарлайды Orda.kz. 

Аудит қорытындысы бойынша, 351,8 млн қаржылық бұзушылықтар, 122,2 млрд қаражатты тиімсіз жоспарлау және пайдалану, 119 жүйелік кемшіліктер анықталды. 

Тексеру жұмыстары қордың корпоративтік орталықтарын, сондай-ақ «Қазатомөнеркәсіп», Samruk-Kazyna Ondeu және басқа да бірқатар компаниялардың қызметін қамтыды. 

Аудит барысында парламент депутаттары мен жұртшылықтың бірқатар сауалдары ескерілген екен. 2024 жылдың қорытындысы бойынша қордың компаниялар тобының кірістері 16, 5 трлн теңге болды. Ал холдингтің компаниялар тобы бойынша шоғырландырылған таза пайда 2, 4 трлн болған. 

Сонымен қатар, аудиторлар қор компаниялары тобында стратегиялық жоспарлау мен басқарудағы кемшіліктерді анықтады.

Мемлекеттік аудиторлардың пікірінше, «Самұрық-Қазына» ішкі нормативтік құжаттарды жүйелеуге жеткіліксіз көңіл бөлген.

«Самұрық-Қазына» АҚ директорлар кеңесі жанындағы бес комитеттің үшеуі (стратегия бойынша, трансформация бағдарламасының іске асырылуын бақылау бойынша, мамандандырылған комитет), ал қор басқармасы жанындағы жеті комитеттің 2024 жылдан бастап екеуі жұмыс істемейді.

Аудит қорытындысы бойынша, бұл ретте инвестициялық жобаларды іске асыру мониторингін түбегейлі күшейту қажет. Өйткені 2020 жылдан бастап 2024 жылғы 30 қыркүйекке дейін 175 жобадан тұратын қор тобы барлығы 49 жобаны аяқтаған.

Айта кетейік, Солтүстік Корея мектептерінде орыс тілі міндетті пән болып енгізілді.