Самат Әбіш сегіз жылға шартты түрде сотталды

Ұлттық қауіпсіздік комитеті төрағасының бұрынғы орынбасары Самат Әбіштің үкімі туралы «Дат» басылымы хабарлады.

Бұл ақпарат басылымның сайтында жоқ, істің құпиялығына байланысты сот залдарында да жоқ.

Бұрынғы президенттің жиенінің қаңтар оқиғасына қатысы барын сотта Ұлттық қауіпсіздік комитетінің бесінші басқармасының бұрынғы басшысы Руслан Ысқақов мәлімдеді. Ол өз қорғауында Әбіштің бұйрығын орындап, наразылық білдірушілермен жұмыс істеуге (Дикий) Арман Жұмагелдиевті жалдағанын айтты.

Процесс жабық есік жағдайында өтті. Әбішке «қызметтік өкілеттіктерін асырды» деген айып тағылған, ал оның қарамағындағы Ысқақовқа  «Жаппай тәртіпсіздіктер ұйымдастырды» деген аса ауыр айып тағылғаны белгілі.

«Дат» – Мәжіліс депутаты Ермұрат Бәпидің газеті, ол 1998 жылы құрылғаннан парламентке сайланғанға дейін басылымның тұрақты бас редакторы болды.

Самат Әбіштің сотталғанын ресми растауды іздейміз.