«Сәкіде зорлап, бейнежазбаға түсірген»: Бір топ еркек 22 жастағы құлағы нашар еститін қызды қорлаған

Шымкентте бір топ ер адам 22 жастағы қызды үйінің алдындағы сәкіде зорлап, бейнежазбаға түсірген. Күдіктілер әлі қамауға алынбады, деп хабарлайды Orda.kz.

Топтасып зорлаған қылмыс жайлы #НеМолчиKZ қоры дабыл қақты. Жәбірленушінің айтуынша, оқиға өткен жылдың тамыз айында басталған. Қыз жұмыстан шығып, үйге жету үшін таксиге мінеді. 

«Қыздың есту қабілеті нашар, содан сенгіш. Ол қарапайым көпбалалы отбасынан шыққан. Жұмыстан үйге жету үшін таксиге мінген. Көлікте 30-дан асқан бір топ ер адам болды. Олар қыздың мекенжайын есіне сақтап алды. Кешке үйде ересектер болмаған кезде біреуі келіп: «Сен маған ұнадың шық, сөйлесейік» деді. Сол күні кешке ол оны сәкіде зорлады, ал екіншісі оны бейнежазбаға түсірді. Осылайша бопсалаудың бірінші кезеңі басталды» деп жазады қор.

Бопсалаудың екінші кезеңі наурыз айында басталды. Ер адамдардың бірі:

«Шық, әйтпесе мен сені және үйіңді, отбасыңмен бірге өртеп жіберемін», — деді. 

Үйден шыққаннан кейін. Екі адам оны адам жоқ жерге апарып, көліктегі резеңке төсенішті шығарып, жайып, зорлады.

«Зорлықшылар 30 жастан асқан үш ер адам, олардың кім екені анықталды. Үшеуі бір-бірімен таныс. Ерекшелігі бар, момын, ұялшақ қызды тауып, оны пайдаланды. Әлі бостандықта жүр! Сараптама жоқ. Бап жоқ. Қамауға алу санкциясы жоқ»,  — деді НеМолчиKZ.

Orda.kz жолдаған арнайы сауалға полиция қылмыстық іс қозғалғанын айтып жауап қайтарды.

«Зорлау туралы арыз бойынша қылмыстық іс қозғалды. Барлық мән-жайлар белгіленеді және тараптардың дәлелдері зерделенеді»,  — деді Шымкент қаласының ПД.

Күдіктілер ұсталды ма, жоқ па, олар нақтыламады.

Еске сала кетсек, бұған дейін Алматы облысында өгей әкесінен 9 жасынан бастап 13 жасқа дейін жыныстық сипаттағы зорлық-зомбылық көрген жасөспірім қалай зорлық көргенін айтып берген еді.