Сәкен Мамаштың әйелі көп жылғы жан түршігерлік азаптың жай-жапсарын айтып берді

Қазір Карина Мамаш балаларымен, әпкесі және анасымен Астанадағы дағдарыс орталығында жатыр. Соңғы рет ұрып-соғу салдарынан басынан қатты соққы алған Каринаның денесі көгеріп, көру қабілеті нашарлай бастаған, деп хабарлайды КТК .

Дипломаттың әйелі отбасындағы зорлық-зомбылықты оның жақын достары ғана білетінін айтады. Ол өз ата-анасынан, жақындарынан бәрін жасырған. Ол бәрі үйленген алғашқы күннен басталғанын айтады. Көбінесе күйеуі  мас болған кезде  агрессияға беріліп, қол көтерген.

«Мен қазір өзімді қауіпсіз сезінемін. Балалар анам, әпкем қасымда. Мен ұзақ жылдар бойы қорқынышпен өмір сүргендім. Ешқайда өтініш берген жоқпын. Оның туыстарының кейбірі бұл жағдайды біледі, мәселен жиені мені ауруханаға мұрынымды тіктіруге апарды. Әрине, олар менің ештеңе айтпағанымды қадағалады. Мен кетемін деп айтқан жоқпын. Мен оған барлық дәлелдерді интернетке салатынымды айттым, «мені ұруды тоқтатпасаң, түрмеге жабыласың» деп ескерттім. Ол күліп: «Маған бәрібір» дейтін, деп еске алады жәбірленуші. 

Еске сала кетейік, Сәкен Мамаштың әйелі 6 мамырда әлеуметтік желіде күйеуінің 10 жыл бойы жүйелі түрде таяқ жеп келгенін жариялаған болатын. Бір күн бұрын, Каринаның айтуынша, күйеуі оны қонаққа келген әпкесімен қосып сабаған. Қазақстанның Сыртқы істер министрлігі Сәкен Мамашты шетелден шұғыл түрде шақыртып алды.