Сағынтаев Кремльде Путинмен кездесті

Кездесу барысында Путин Сағынтаевты Еуразиялық экономикалық комиссия алқасының төрағасы лауазымына келуімен құттықтап, оның жұмыс тәжірибесі мен кәсібилігін, комиссиядағы жұмысының маңыздылығын атап өтті.

Бақытжан Сағынтаев Путинге кездесу үшін алғыс айтып, оны Ресей Федерациясының президенттік сайлауындағы жеңісімен құттықтап, оның жүргізіп отырған саясатын кеңінен қолдайтынын және ел дамуының таңдаған бағытының дұрыстығын атап өтті.

Диалог барысында тараптар ЕАЭО елдерінің ұлттық валютадағы төлемдерге толық көшу мәселесін талқылады.

«Егер ұлттық валютамен есеп айырысуларды өз ара қалай жүргізетінімізді қарасаңыз, 2021 жылға дейін бізде 70 пайыздан астам болса, 2022 жылы 80 пайызға жеттік, биыл 90 пайызға жетті. Осылайша, осы қарқынмен біз жақын арада елдеріміз арасындағы есеп айырысуды толығымен ұлттық валютада жүргізуге көшеміз деп ойлаймын»,- деді Сағынтаев.

Сонымен қатар, ол ЕАЭО-да бөлшек сауда айналымы 2023 жылы 6,6 пайызға, негізгі капиталға инвестиция 10 пайызға, өнеркәсіп өнімі 4 пайызға дерлік, құрылыс жұмыстары 8 пайыздан жоғары  өскенін атап өтті.