Ринат Зайытов Болат Назарбаевтың ұлының мүлкіне толық тексеріс жүргізуді талап етті

Мәжіліс депутаты Ринат Зайытов Назарбаевтар әулетінің заңсыз иеленген активтері ісіне байланысты бас прокурор Берік Асыловқа депутаттық сауал жолдады, деп хабарлайды Orda.kz.

Оның айтуынша, жуырда сот Болат Назарбаевтың ұлы Нұрбол Назарбаевтан 57 млрд теңге көлеміндегі активтерді алып, 925 млн теңге айыппұл және 230,4 млн теңге көлемінде өтемақы өндіру туралы шешім шығарған. Қазіргі уақытта оның барлық есепшоттары мен компанияларды басқару құқығы бұғатталған.

Зайытовтың сөзінше, тәркіленген активтердің тізіміне базарлар мен жер учаскелері, соның ішінде атышулы «Алтын Орда» базары кірген-кірмегені әлі белгісіз. Процестердің жабық өтуі қоғамда сенімсіздік тудырып отыр.

• Депутат келесі талаптарды қойды:
• Назарбаевтар әулетінің барлық активтеріне түгендеу жүргізу;
• Заңсыз иеленген мүлікті мемлекетке қайтару;
• Тәркіленген активтер туралы толық ақпарат жариялау;
• «Алтын Орда» базары мен Алматы қаласы және облысындағы жерлері бойынша тергеу бастау.

«Азаматтар қайтарылған активтердің шын мәнінде ел игілігіне жұмыс істеп жатқанын және кінәлілердің жауапқа тартылатынын білуі тиіс», – деді Зайытов.

Еске салсақ, Болат Назарбаевтың ұлы  Нұрбол Назарбаев 57 млрд теңге көлеміндегі активтерінен және бизнесін басқару құқығынан айырылды.