Ресейліктерді азаматтықпен қызықтырған алаяқтар

Қазақстанда ресейліктерге азаматтық алуға көмектесеміз деп уәде ететін алаяқтар пайда болды, деп хабарлайды Orda.kz.

Ішкі істер министрлігі алаяқтардың көші-қон мәселелері бойынша қызмет көрсету және азаматтық алу үшін құжат жинауға көмектесеміз деген ұсыныстар таратып жатқанын ескертті.

«Бұл фирмалар азаматтық бермейді және жеке басын куәландыратын құжаттарды рәсімдеуге құзыреті жоқ. Интернетте мұндай жарнамалардың алаяқтық екенін ескеріңіз» делінген министрлік мәлімдемесінде.

Сонымен қатар, ІІМ азаматтық алу үшін ішкі істер органдарына жеке жүгіну қажеттігін және құжаттарды үшінші тұлғалар арқылы рәсімдеу заңсыз екенін ескертті.