Ресейдегі адыраспан тыйымы: Бас прокуратура қазақстандықтарға ескерту жасады

Қазақстан Республикасының Бас прокуратурасы қазақстандықтарға адыраспанды Ресейге тасымалдаудың заңсыздығы туралы ескертті, бұл затқа заңды түрде тыйым салынған, деп хабарлайды Orda.kz.       

Ведомствоның ресми Telegram-каналында атап өтілгендей, Ресей Федерациясының қолданыстағы заңнамасына сәйкес «гармала» («адыраспан») өсімдігі құрамында есірткі немесе психотроптық заттар немесе олардың прекурсорлары бар өсімдіктердің тізіміне енгізілген.

Адыраспанды Ресей Федерациясының мемлекеттік шекарасы арқылы заңсыз өткізгені үшін қылмыстық жауапкершілік үш жылдан жеті жылға дейінгі мерзімге бас бостандығынан айыру түрінде немесе бір миллион рубльге дейінгі айыппұлмен, ал аса iрi мөлшердегi өсiмдiктер тасымалы  үшiн 15-20 жылға дейiнгi мерзiмге бас бостандығынан айыру жаазасы қарастырылған.

«Демалыс кезеңінде Ресей Федерациясы аумағына келетін азаматтардың көбеюіне байланысты, Бас прокуратура қылмыстық жауапкершілікке ілікпеу мақсатында азаматтарға аталған затты Ресей Федерациясы мемлекеттік шекарасы арқылы өткізбеуді ескертеді»  деді қадағалау органы. 

Естеріңізге сала кетейік, Ресейде адыраспанға заңды түрде тыйым салынған - өсімдік есірткі заттарының тізіміне енгізілген. 

Дегенмен қазақстандық наркологтар бұл шешімге таң қалды, өйткені олар өсімдіктің нашақорлық тудырады дегенді естімеген. Әзірге Қазақстанда адыраспанға тыйым салу жоспарда жоқ екені айтылды. National Library of Medicine сайтында хабарланғандай, гармала (немесе адыраспан) жартылай қуаң жағдайда, далалы аймақтарда және құмды топырақтарда өздігінен өсетін өсімдік.

Гармала Орталық Азияда, Солтүстік Африкада және Таяу Шығыста дәрілік өсімдік ретінде кеңінен қолданылады. Иранда басқа ингредиенттермен араласқан кептірілген капсулалар «көз тиюге» қарсы тұмар ретінде тағылады.