Ресейде AZAL апатына себеп болған зениттік зымырандар жұмысын тексеру басталды

Ресейдің тергеу комитеті Шешенстандағы Azerbaijan Airlines  (AZAL) Embraer 190 ұшағының апатына себеп болған зениттік зымырандардың жұмысын тексереді, деп хабарлайды Orda.kz.

The Moscow Times мәліметінше, тергеушілер Грозный, Махачкала және Минералды су қалаларындағы диспетчерлердің әрекеттерін зерттейді, қазір олар ұшақ командирімен болған келіссөздерге талдау жасап жатыр.

Тергеу комитеті болған оқиға бойынша әуе көлігі қозғалысы мен пайдаланудың қауіпсіздік ережелерін бұзу және адамдардың қазасына әкеп соққан іс бойынша қылмыстық іс  (ҚК 263-бабы) қозғалғанын еске салды . Бакуден Грозныйға ұшып шыққан әзірбайжандық ұшақты Грозныйда әуе шабуылына қарсы қорғаныс зымыраны атып түсірді де, оған қонуға тыйым салынғаннан кейін Ресейдің көрші қалаларына бағытталды, бірақ нәтижесінде Ақтауда апатқа ұшырады. 

 «Тергеушілер трагедияның барлық ықтимал себептерін қарастыруда»,  деп қосты комитет.

Еске сала кетейік, Әзірбайжандағы үкіметтік көздер Euronews-ке Ақтаудағы Azerbaijan Airlines ұшағының апатына Ресейдің зениттік зымыраны себеп болғанын растады.

Сондай-ақ,  Orda.kz. Қадыров Ақтаудағы әуе апатына себеп болған дрондарды атып түсіру туралы есеп берген інісін марапаттағаны жайлы жазған еді.