Ресей зауыттарының бірінде екі қазақстандықтың мәйіті табылды

Ресейдегі зауыттардың бірінің аумағынан екі қазақстандықтың денесі табылды, деп хабарлайды Orda.kz. 

Қайғылы оқиға 14 қаңтарда Череповец металлургиялық комбинатының (ЧерМК) өнеркәсіптік алаңында болған.  Зауытта екі Қазақстан азаматының мәйіті табылды. Бұл кәсіпорын – «Северсталь» компаниясының негізгі өндірістік нысаны.

Екі Қазақстан азаматы комбинаттың өндірістік алаңында мердігер ұйымдарда жұмыс істеген. Қазіргі уақытта олардың өлімінің себебі анықталуда. Оқиға орнында жедел-тергеу тобы жұмыс істеп жатыр.

Айта кетейік, Атырауда AiRom академиясының 13 жастағы тәрбиеленушісі Абдулазиз Тасболат дәл ойын үстінде қаза тапты.