ҚР СІМ өкілі Мәсімовтің азаматтығына қатысты пікір білдірді

ҚР СІМ өкілі ҰҚК экс-басшысы Кәрім Мәсімовтің азаматтығына қатысты пікір білдірді. Бұған дейін ҚР Ұлттық қауіпсіздік комитетінің бұрынғы төрағасы Кәрім Мәсімовтің Мажарстан азаматы деген төлқұжаты болғаны хабарланған еді.

- Мажарстан тарапының бізге берген мәліметінше, Мәсімов мырзаның мұндай азаматтығы болмаған. Қосымша ақпарат түскен жоқ. Біздің елде қос азаматтыққа тыйым салынған және басқа елдің азаматтығын алған адам автоматты түрде біздің азаматтықтан айрылады, - деп жауап берді Сыртқы істер министрінің орынбасары Роман Василенко.