Прокуратура ғимаратында полицей өзіне оқ атқан

Павлодар облысы Железин ауданында полицей табельдік қарудан өзіне оқ атқан. Бұл туралы Orda.kz хабарлады. 

Pavlodarnews.kz сайтының мәліметінше, оқиғаның мән-жайы мен себептері анықталуда.

Облыстық ПД баспасөз қызметінің мәліметінше, 24 мамырда мессенджерлерде Железин ауданының аға тергеушісі өзінің табельдік қаруынан өзін-өзі өлтіруге әрекет жасаған деген ақпарат пайда болды.

Полиция департаменті 23 мамырда сағат 18:10-да Железин ауылында прокуратура ғимаратында аудандық полиция бөлімінің аға тергеушісі оң иығына оқ атқанын хабарлады.

– Қызметкер ауруханаға жатқызылып, операция жасалды. Бүгінгі күні жағдайы тұрақты, өмірлік маңызды мүшелері мен сүйектері зақымдалмаған, денсаулығына қауіп төніп тұрған жоқ, – делінген хабарламада.

Аталған факті бойынша ПД өзіндік қауіпсіздік басқармасымен Қазақстан Республикасы ҚК 105-бабы бойынша сотқа дейінгі тергеу басталды. Мән-жайлар мен себептер анықталуда.