Павлодардың бұрынғы әкімі лауазымды қызметке тағайындалды

Ержан Иманісләм бір жылға жуық уақыт бойы облыс орталығының әкімі қызметін атқарды. Әбілқайыр Сқақов жаңа әкімді Павлодар ауданы активіне таныстырды. Сондай-ақ, Ержан Иманісләмнің бірінші кезектегі міндеттері де айтылды.

Бұл туралы Orda.kz хабарлайды.

Аймақ басшысының айтуынша, Павлодар ауданының облыс орталығына жақын орналасуы бірқатар ерекше талаптарды алға тартады.

– Біріншіден, бұл Павлодардың азық-түлік белдеуін қамтамасыз ету. Ал ауылшаруашылық өнімдерін өндіруде және басқа салаларда қайта өңдеу бағытын жалғастыру қажет. Екіншіден, аймақтық орталықтың жоқтығын ескере отырып, тұрғындарға көрсетілетін әлеуметтік қызметтердің сапасын бақылау және оның үнемі жақсаруын қамтамасыз ету маңызды.

Ең бастысы кез келген мемлекеттік қызметтер, әкімдіктердің аудан тұрғындарымен, әсіресе сіздің жеке қызметіңізбен кез-келген жағдайда өзара тұрақты, ашық диалог қағидаттары негізінде жүзеге асырылуы керек. Аудан тұрғындары өз әкімін жекелей білуі тиіс, онымен қалай байланысқа түсуін білуі керек, әкімдіктен көмек керек болған жағдайда онымен байланыса алуы керек, - делінген Павлодар облысы әкімінің баспасөз қызметі хабарламасында.