Өзбекстан президентінің жоғалған мысығы аман-есен табылды

Өзбекстан президентінің қызы Шахноза Мирзиёева 2 күн бұрын мысығын жоғалтып алған еді. Мысық аман-есен табылды, деп хабарлайды Orda.kz. 

Президенттің қызының айтуынша, мысық 11 қазан күні Қарасу-1 аймағында жоғалып кеткен. Мысық президенттің отбасында бірнеше жылдан бері өмір сүріп келіпті. Ол Шавкат Мирзиёевтің балаларымен бірге өскен екен. Мысық әсіресе президенттің кіші қызы Ранияға жақын болған. Президенттің туыстары мысықтың жоғалғаны туралы хабарландыру таратып, халықтан көмек сұрады.

Ақыры президенттің қыздары сүйікті мысықтарын тапты. Шахноза Мирзиёева әлеуметтік желіде жазба жариялап, мысықтың табылғанын хабарлады. Сонымен қатар, өтінішіне бей-жай қарамаған өзбекстандықтарға алғыс білдірді. 

Айта кетейік, маусым айында Шавкат Мирзиёевтің үлкен қызы Саида Мирзиёева президент әкімшілігінің басшысы болып тағайындалды.