Өскемен тұрғындары адам өлімімен аяқталған жол апатынан кейін тас жолды жауып тастады

Ахмиров маңайының ондаған тұрғыны Тоғас көшесіне жарық пен бағдаршам орнатуды талап етіп, тас жолды жауып тастады, деп хабарлайды Orda.kz.

 Жаппай наразылыққа 19 жастағы жігіттің өліміне әкелген жол апаты себеп болды. Тұрғындар екі сағат бойы жолда көлік қозғалысын жауып тұрды. 

Ғаламторда оқиға орнынан түсірілген видеолар пайда болды. Қазақстандықтар түсірілімге қатысты жергілікті тұрғындардың талаптарын қолдаған жазбалар жазды. Бірыңғай уақыт белдеуіне көшуге байланысты қараңғылық ерте түсіп, жарықсыз көшемен жүру қауіпті екені айтылуда. Тұрғындар өз мәселесін шешуді талап етіп жатыр.

Қала әкімі Жақсылық Омар халықпен кездесті. Билік алдағы күндері жаңа бағдаршам орнатуға уәде берді.