Өрттен бір отбасының 8 адамы қаза тапты

cover Фото: Envato.com

Түркияның Карталкая тау шаңғысы курортында орналасқан Grand Kartal қонақ үйіндегі өрттен бір отбасының 8 адамы көз жұмды, деп хабарлайды Orda.kz.

Еске салайық, қонақ үйде өрт шығып, 79 адам мерт болды. Күдікті ретінде 9 адам ұсталды. 

Түркия президенті Режеп Тайып Ердоған жұбайымен бірге Болу провинциясында орналасқан Карталкая тау шаңғысы орталығында болған өрт кезінде қаза тапқандардың жаназасына қатысты. Бір отбасының 8 адамын бірдей жерлеу рәсімінде Ердоған көз жасына ерік берді.

Ердоған көз жұмғандардың туыстарына және түрік халқына көңіл айтты.

«Президент Ердоған 8 адамынан бірдей айырылған Гюлтекиндер әулетінің жаназасында көз жасын тоқтата алмады» деп жазады жергілікті басылым.

Түркиядағы қайғылы жағдайға байланысты Қазақстан президенті Ердоғанға көңіл айту жеделхатын жіберген болатын.

Жаңалықтар

барлық жаңалықтар