Оңтүстік Кореяның бұрынғы президентіне үкім шықты

Оңтүстік Кореяның бұрынғы президенті Юн Сок Ёль бес жылға сотталды, деп хабарлайды Orda.kz. 

Yonhap агенттігінің хабарлауынша,  бүгін, 16 қаңтар күні Оңтүстік Кореяның бұрынғы президенті Юн Сок Ёльге тағылған бірқатар айыптар бойынша үкім шықты.

Үкім Сеулдің Орталық аудандық соты тарапынан қабылданды. Юн Сок Ёльдің 2024 жылғы желтоқсанда қысқа мерзімге әскери жағдай енгізуіне байланысты қозғалған іс мәресіне жетті. Оңтүстік Кореяда әскери төтенше жағдай жарияланғанын ел президенті Юн Сок Ёль халқына жолдауында мәлімдеген еді. Оңтүстік Корея соты президентті әскери жағдай енгізгені үшін айыптады және парламентке күштік қысым жасағанын атап өтті.

Юн Сок Ёль 2025 жылғы 15 қаңтарда қамауға алынды. Ал сәуір айында конституциялық сот импичмент жариялап, ресми түрде Юн Сок Ёльді қызметінен босатты. Кейін екі айдан соң елде кезектен тыс сайлау өтті. Сайлауда «Тобуро» демократиялық партиясының өкілі, 61 жастағы Ли Чжэ Мён жеңіске жетті.

Айта кетейік, Юн Сок Ёль Оңтүстік Корея тарихында қамауға алынған алғашқы мемлекет басшысы.