Оңтүстік Корея соты Юн Сок Ёлді тұтқындауға ордер берді

Сеулдің Батыс аудандық соты қызметінен уақытша шеттетілген президент Юн Сок Ёлді қамауға алуға ордер берді, деп хабарлайды Orda.kz.

Yonhap-тың хабарлауынша, Юн Сок Ёлге әскери жағдай жариялап, бүлік шығарды және өз билігін асыра пайдаланды деген айып тағылған.

Айыпталушы құқық қорғау органдарының жауап алуға шақыртуын елемеген, кейін оған ордер шығып, қамауға алуға 48 сағат уақыт берілді.

«Алайда президенттің қауіпсіздік қызметі тергеушілерге ғимаратқа да, кеңсесіне де кіруге рұқсат бермей қойған. Сол үшін ол ордердің орындалуы қиын болып тұр», деп мәлімдеді басылым. 

Оңтүстік Корея елі үшін бұл тарихтағы алғашқы оқиға. Бұған дейін қызметтегі президентке тұтқындау туралы ордер шығарылмаған.