Оңтүстік Корея әскери төтенше жағдай жариялады

Оңтүстік Кореяда әскери жағдай жарияланды. Бұл туралы ел президенті Юн Сок Ёль халқына жолдауында мәлімдеді, деп хабарлайды Orda.kz Yonhap агенттігіне сілтеме жасап.

Бұған дейін Оңтүстік Корея президенті шұғыл кеңес өткізіп, өзіне импичмент жариялау әрекеті жасалғанын мәлімдеген болатын. Ол оппозицияны елдің негізгі міндеттерін орындау үшін қажетті «барлық маңызды бюджет қаражаттарын қысқартты» деп айыптады.

«Солтүстік Кореяны жақтайтын күштерді жою және еркін конституциялық тәртіпті қорғау үшін әскери жағдай жариялаймын», – деді ол. 

Юн Сок Ёль бұл шешімді «адамдардың еркіндігі мен қауіпсіздігін қамтамасыз ету, сондай-ақ анти-мемлекеттік күштер әрекетінен ел тұрақтылығын сақтау үшін қабылданған шара» деп атады.

Өз сөзінде президент әскери жағдайдың азаматтарға белгілі бір қолайсыздықтар тудыруы мүмкін екенін атап өтті. Дегенмен, билік бұл қолайсыздықтарды барынша азайтуға тырысатынын айтты.

Сыртқы саясатқа келсек, оның айтуынша, бұл онда өзгерістер болмайды. Оңтүстік Корея өз міндетін орындауды жалғастыра береді.

Еске сала кетсек, Orda.kz ұлты бір жауласқан екі мемлекеттің ақпараттық соғысы мен қысқаша тарихы жайлы жазған болатын.