Олимпиада жүлдегері Галбадрах Отгонцэцэг Қазақстан азаматтығынан бас тартты

Рио-де-Жанейро 2016 Олимпиадасының қола жүлдегері Галбадрах Отгонцэцэг Қазақстан азаматтығынан бас тартты, деп хабарлайды Orda.kz.

Рио-де-Жанейро 2016 Олимпиадасына Қазақстан атынан шығып, қола жүлдегер атанған Галбадрах Отгонцэцэг енді қазақстандық емес. Дзюдошы Terminal подкасында берген сұхбатында өз міндеттемелерін орындап, енді өз еліне қайтқысы келетінін айтты.

Туризм және спорт министрлігі бұл туралы жауап беруден бас тартты. Алайда олар дзюдошының Қазақстан құрамасының мүшесі емес екенін мәлімдеді.

Галбадрах Отгонцэцэг 2015 жылы Қазақстан азаматтығын алып, ұлттық құрамада 5 жылдай өнер көрсетті. Нәтижесінде Риода өткен 2016 жылғы олимпиадада қола жүлдегері, сондай-ақ әлем чемпионатының 2017, 2018 жылғы қола жүлдегері және Азия чемпионатының 2016 жылғы жеңімпазы болды.