«Өлді деп ойлап орманға тастап кеткен»: Оралда 15 жастағы қызды зорлаған ер адам іздестіріліп жатыр

Орал қаласында кәмелетке толмаған қызға қатысты зорлық-зомбылық жасаған ер адамды іздеу жұмыстары жүргізіліп жатыр, деп хабарлайды Orda.kz. 

Әлеуметтік желіде Зачаганск шағын ауданында ер адамның 15 жастағы қызды зорлағаны туралы ақпарат тарады. Ер адам қызды зорлап, кейін өлтіруге тырысқан. Оны тұншықтырып, өлді деп ойлап орманға тастап кеткен. Бірақ абырой болғанда, қыз есін жиып, ата-анасына қоңырау шалып, жағдайды баяндаған. 

Полиция кәмелетке толмаған қызға қатысты заңсыз әрекет фактісі бойынша қылмыстық іс қозғалғанын хабарлады.

Зачаганск шағын ауданының тұрғындары қылмыскерлердің бірнешеу болғанын айтады. Алайда, полиция бір адамды ғана іздестіріп отыр. 

Айта кетейік, Қостанайда өз әйелі мен ұлын өлтірген 51 жастағы ер адам тұтқындалды.