Оқушылар көктемгі демалыста қанша күн демалады?

Қазақстандық мектеп оқушылары 2025 жылы көктемгі демалыста 11 күн демалады, деп хабарлайды Orda.kz.

Оқу-ағарту министрлігінің мәліметінше, көктемгі каникул 2025 жылдың 21 наурызынан 31 наурызына дейін жалғасады.

Министрлік оқушылардың бос уақытын тиімді өткізу мақсатында «Біртұтас тәрбие» бағдарламасы аясында іс-шаралар жоспарын әзірледі. 1-4, 5-9 және 10-11 сыныптарға арнайы гайдбук дайындалған. Әр демалыс күні Наурызнаманың онкүндігімен байланысты болады.

Жоспарланған шаралар:

• Театр фестивальдері мен қойылымдары
• Шеберлік сабақтары
• Қауіпсіздік сабақтары
• Мұражай, ғылыми орталық және тарихи ескерткіштерге экскурсиялар
• Спорттық ойындар
• Қайырымдылық акциялары

Министрлік оқушылардың демалысты пайдалы өткізуіне назар аудару қажеттігін атап өтті.