Нотариаттық қызметтерді электрондық жеке куәлікпен алуға болады

Ақпараттық жүйелерді «Е-нотариус» пен Egov mobile біріктіру осы апта ішінде аяқталады.

Бұл туралы Orda.kz Әділет вице-министрлігіне сілтеме жасап хабарлады.

26 сәуірден бастап нотариаттық қызметтерді алу үшін қазақстандықтар электрондық жеке куәлікті ұсына алады, деп хабарлады Қазақстан Республикасы Әділет вице-министрі Азамат Әмірғалиев.

– Нотариаттық қызметті цифрландыру бойынша Әділет министрлігі мен Республикалық нотариустар палатасы жүргізетін жұмыс шеңберінде «Е-нотариус» ақпараттық жүйелері мен Egov mobile-ді интеграциялау қарастырылған, - деді Азамат Әмірғалиев.

2021 жылдың 1 шілдесінен бастап Қазақстан жылжымайтын мүлікпен операцияларды жүзеге асыруда экстерриториалдылық қағидатын енгізеді: тараптар объектінің орналасқан орнына қарамастан кез-келген нотариуспен байланыса алады. Келесі жылдан бастап бірыңғай нотариаттық ақпараттық жүйеде құжаттарды сақтауға арналған бірыңғай ақпараттық репозитарий құру жоспарлануда. Болашақта нотариустар нотариаттық мұрағаттан бас тартады.

Әрбір нотариаттық іс-әрекетке QR-код беріледі, ол құжаттарды жалғандықтан қорғауды қамтамасыз етеді. Электрондық құжаттар қағаз құжаттарға баламалы болады. Бұл азаматтарға жол жүру, құжаттарды пошта немесе курьер арқылы жіберу кезінде уақыт пен ақшаны үнемдеуге мүмкіндік береді.