Неге өлтіріп жатсыңдар? Логика қайда? – Равиль Сакиев стенограммасы

Шерзат Полаттың өліміне қатысты сот отырысында күдікті Равиль Сакиевтің тергеу изоляторында жасырын камераға жазылып қалған әңгімесінің стенограммасы оқылды, деп хабарлайды Orda.kz.

Тергеу дерегінше, күдіктілер отырған изоляторға жасырын камера орнатылған. Видеожазбада Равиль Сакиев пен белгісіз адам Шерзат қаза тапқан түні не болғанын өзара талқылайды. Жәбірленуші тараптың адвокаты Бағдагүл Әжіғалиева осы жазбаның стенограммасын жария етті. Онда пышақ салған адам жайлы айтылады.

СР: Ата-анам мені Чинамен шатастырып жүр. «Сен ұрдың», – дейді. Мынау тіпті: «Сен пышақтадың», – деп отыр.

Б (кім екені айтылмады): Атқан адамды пышақтаған сол ма?

СР: Иә, төрт рет. Бірақ оны Абзал пышақтады. Ол айтты: үлкен асүй пышағы, сап жағынан ұстап, төрт рет сәл-сәл тығыпты. Бірақ бәрібір мені айтып отыр. Мен оған: «Сен шатастырып тұрсың», – дедім.

Б: Кешке қараңғы болған шығар, иә?

СР: Камерадан көрініп тұр — көше шамдары жанған.

СР: Әкем де, шешем де, мылтық атқан адамды мен пышақтады деп отыр. Сараптама шығады, саусақ іздері де шығады — кім ұстағаны анықталады.