Үндістанда әлемдегі ең қауіпті вирустардың бірі анықталды

Үндістанның Керала штатында 11 адамнан өлімге әкелетін нипах вирусы анықталды.

Бұл туралы Orda.kz хабарлайды.

Қазіргі уақытта Кожикоде медициналық колледжі мен ауруханасында 38 адам оқшауланған, олардың 11-де ауру белгілері пайда болды.

– Сегіз адамның сынамасы Ұлттық вирусология институтына тестілеуге жіберілді, ауруханаға жатқызылғандардың барлығының денсаулығы тұрақты, - деді Джордж NDTV -ге берген сұхбатында.

Керала билігі нипах вирусынан 12 жасар баланың қайтыс болғаны туралы хабарлады.  Штат дәрігерлері онымен байланыста болған 251 адамды тексеріп жатыр.

Аурудың таралуын болдырмау үшін Үндістан Денсаулық сақтау министрлігі эпидемиологиялық қадағалауды күшейтуді ұсынды. Кожикоде ауданында және көршілес үш ауданда қауіпсіздік шаралары күшейтілді.

Нипах вирусы жарқанаттар мен тышқандар арқылы таралады. Әдетте вирус малдың сілекейімен ластанған жемістерді жеген адамдарға жұғады. Дүниежүзілік денсаулық сақтау ұйымы бұл вирусты әлемдегі ең қауіпті вирустардың бірі деп атайды, оған қарсы ем де, вакцина да жоқ, өлім деңгейі 40-75 пайыз аралығында.