Наурызнама: Елімізде Шаңырақ күні тойланып жатыр

Наурыздың 16-сы – жалпыұлттық Наурызнама мейрамының үшінші күні. Ол ұлттық және отбасылық салт-дәстүрлерді сақтауға және насихаттауға арналған мереке, деп хабарлайды Opda.kz.

Шаңырақ – жайлы алтын ұяның, ұрпақтар сабақтастығы мен мызғымас отбасылық құндылықтардың символы. Қазақ үшін отбасы қашанда күш-қуат пен рухани мұра болған.

Бұл күн сонымен қатар мәдени дәстүрлерді сақтауға және насихаттауға арналған. Көптеген қалаларда халық шеберлерінің көрмелері, концерттер, шеберлік сабақтары өтеді.

Бүгінгі «Шаңырақ күні» деп атау алған мерекеде Астанада келесі іс-шаралар өтті:

• 11:00 - «Отбасы – бақыт мекені»» - ҰМП (Жас отбасылар арасындағы «Көңілді старт» отбасылық эстафетасы).

• «Бәйтерек» монументінде жас жұбайлардың ресми түрде некесін қию. Салтанатты шарада жас жұбайларға неке куәліктері табыс етілсе, алтын мерейтойын атап өтіп жатқан ерлі-зайыптылардың есімі Мерейтой кітабына мәңгілікке жазылады.

• 11:00 - «Неке ұию» ырымы - ҮМП, Есіл ауданы (Жас отбасылар арасындағы «Неке қию» ырымы. 25-50 жыл бірге тұрған ерлі-зайыптылар да қатыстырылып, жас жұбайларға қариялар бата берді).

Наурызнама – Ұлы дала дәстүрінің жаңғыруы, мереке кемінде сегіз күнге созылады. Наурыздың жаңа символы – Қазақстанның өткені, бүгіні және болашағын бейнелейтін үш қызғалдақтың суреті салынған логотип.

Астанада салтанатты шара өтіп, онда жас жұбайларға неке куәліктері табыс етіліп, алтын мерейтойын атап өткен ерлі-зайыптылардың есімдері Мерейтой кітабына жазылды.