Мыңдаған тонна Қазақстан пиязы Ресейде ұшты-күйлі жоғалды

Қазақ елінің пиязы көрші елге жөнелтілген, бірақ көкөніс бақылаушы органдарға жетпей зым-зия болған, деп хабарлайды Orda.kz.

Ресей ауылшаруашылық қадағалау басшысы Сергей Данкверт пен ҚР ауыл шаруашылығы вице-министрі Ермек Кенжеханұлы Ресейге бидай апаруға салынған тыйымды алып тастау туралы өткен кездесуде қазақстандық көкөністер туралы да талқыланды. Нақтырақ айтсақ, РФ-ға жеткізу кезінде көкеністердің ұшты-күйлі жоғалып жатқан қызық оқиғалары жетерлік.

Ауыл шаруашылығы өнімдерін бақылауға жауапты ресейлік ведомствоның мәліметінше, жыл басынан бері Қазақстаннан Ресейге 419,2 мың тонна жеміс-көкөніс өнімдері әкелінген. Бірақ баратын жерлердегі бақылау бекетіне оның тек 29% ғана «жеткен».

Ең «жым-жылас болатын» көкөніс пияз болып шықты. Оның шамамен 137 мың тоннасы жөнелтілген, бірақ бақылаушы органдарға тек 18% - 25 мың тоннаға жуығы жеткізілген. Ресей ауылшаруашылық қадағалау мамандары басқа да қазақстандық көкөністер мен жемістерді «таба алмай» дал болып отыр.

Ведомствоның мәліметінше, 14 қазанға ҚР-дан РФ-ға 72,3 мың тонна қарбыз, 57,2 мың тонна қауын, 24,9 мың тонна ақ қырыққабат әкелінді.

 «Бұл көлемнің тек 30% қарбыз, 35% қауын және 42% ақ қырыққабат бақылауға ұсынылды», деп Ресей ауылшаруашылық қадағалауы хабарламасында айтылған. 

Бұдан басқа, РФ-да санкция салынған ауыл шаруашылығы өнімдерінің Қазақстаннан жеткізілуі де алаңдатады. Атап айтқанда, бір жыл бұрын әңгіме болған Еуроодақтың алмұрты туралы жұрт ұмыта қойған жоқ.

Былтыр Ресейдің ауыл шаруашылығын бақылау органы Қазақстаннан қызанақ, бұрыш, қауын, бидай, зығыр және жасымық сияқты өнімдерді уақытша импорттауға тыйым салған  болатын.