Тағы бір жемқорлық ұясы – медициналық ұйымдар ДСМ ережелеріне қарсы
Жекеменшік медициналық ұйымдар денсаулық сақтау инфрақұрылымын дамытудың өңірлік перспективалық жоспарларына бір жылға жуық уақыт бойы енбегенін айтты.
2020 жылдың қарашасында денсаулық сақтау субъектілерінің өңірлік перспективалық жоспарына (ӨПЖ) МӘСҚҚ шеңберінде медициналық қызметтерді жеткізетін ұйымдар ғана қатысатыны туралы жаңа ереже енгізілді.
Гемодиализ қызметін көрсететін «BIOS» ЖШС орталығының бас директоры Жеңіс Әлкин 2020 жылдың желтоқсан айында компания Алматы қалалық денсаулық сақтау басқармасына өңірлік перспективалық жоспарға (ӨПЖ)енгізу туралы өтініш бергенін, бірақ арада 1,1 жыл өтсе де, олардың әлі күнге дейін диализ жүйесіне енгізілмегенін айтты.
– Барлық мерзімдер кешіктіріліп жатыр, жүздеген медициналық компаниялар күтіп тұр. Шешім қабылдауға ұзақ уақыт кететін болсақ, біз медициналық бизнесті құртып алуымыз мүмкін. Мұндай жағдайда отандық медицинаға ешқандай инвестор келмейді, қаржы салмайды. Қасым-Жомарт Кемелұлы айтқандай, өңірлік перспективалық жоспар (ӨПЖ)сыбайлас жемқорлықтың кезекті бір жолы, әкімшілік тосқауыл. Медициналық қауымдастықты дайындап, жаңа заң жобасын енгізудің орнына, біз жай ғана дамудан бас тартамыз. 13-ші айды күттік, шығынымызды кім өтейді?. Шұғыл шаралар қабылдау қажет деп есептейміз,- деді Әлкин Денсаулық сақтау министрі Ажар Ғиниятпен кездесу барысында.
«Атамекен» ҰКП Медициналық қызмет департаментінің директоры Назгүл Қабдрахманова жеке сектор өкілдерінен өңірлік жоспарға кіре алмай жатқаны туралы көптеген шағымдар түсетінін растады. Өтініштердің басым бөлігі гемодиализ орталықтары мен санаторийлерден түседі.
– Бүгінгі таңда медициналық ұйымдардың өңірлік перспективалық жоспарға кіруіне қатысты нақты регламенттің жоқтығы басты себеп. Денсаулық сақтау вице-министрінің бұйрығымен бекітілген әдістемелік ұсыныс бар, ол құқықтық акт емес. Тиісінше, ол пайдаланылуы немесе пайдаланылмауы мүмкін. Бүгінгі таңда өңірлік перспективалық жоспарларды қалыптастыру ашық, бақылаусыз және ұзаққа созылмаған болып шықты. 2020 жылдан бері белгісіз себептермен ӨПЖ-ге кіре алмай жатқан нысандар бар, - дейді Қабдрахманова.
Денсаулық сақтау министрі Ажар Ғиният аймақтық жоспарға енгізу үдерісі кешеуілдеп жатқанымен келісті. Ол тоғыз тармақтан тұратын өңірлік перспективалық жоспар қалыптастыру, бекіту және қабылдау тәртібін қайта қарау қажет деп санайды.
– Осы тоғыз қадамның көптігі бар және бұл, менің ойымша, әр қадамдағы кедергілер. Әр қадам сайын уақыт жоғалтып, мемлекеттік органдардан жауап ала алмай жатады. Жалпы, бұл қаншалықты дұрыс, егер денсаулық сақтау басқармасы өңірлік перспективалық жоспар жобасын жасаған болса, оны Денсаулық сақтау министрлігіне келісу үшін неге жібереді, бір ай бойы басқа жұмыс тобы қарайды, содан кейін әкімдікке қайта жібереміз. Бұл дұрыс емес, - деп қорытындылады Денсаулық сақтау министрлігінің басшысы.
Бұған дейін Бәсекелестікті қорғау және дамыту агенттігі де өңірлік перспективалық жоспар бойынша ережелерді қарастырып, денсаулық сақтау нарығындағы бәсекелестіктің дамуына қажетсіз әкімшілік кедергіге айналса, оны жоюға кірісуге уәде берген болатын.
Жаңалықтар
- Жаттығу кезінде жарылған гранатадан зақым алған полицей ауруханаға түсті
- Биылғы түлектерге мектеп бітіру күнін қалай тойлайды?
- Қостанай облысында полицейді өлтірді деген күдікті ұсталды
- Гүлмира Сатыбалдаға қатысты алғашқы алдын ала тыңдау қалай өтті?
- Жылыой ауданында 100-ден астам отбасы бүлінген жылжымайтын мүліктерін бағалау қорытындысын алды
- Теңіздегі ұзақ мерзімді құрылыс нысанының бас мердігерінің басшылығы ауысты
- Мемлекет басшысы Германия экономикасының Шығыс комитеті басқармасының төрағасын қабылдады
- ЕО Израильді Рафахтағы әскери операциясын дереу тоқтатуға шақырды
- Қарағанды әкімі қала маңында ілінген плакаттарды сынға алды
- Қазақстан мұнай өндіруді арттыра ма?
- Утиль алымға қарсы петиция екі аптада 12 мың қол жинады
- Алматыдағы Гагарин даңғылының бір бөлігі әншінің құрметіне берілуі мүмкін
- Гүлзада Сержанға 50 АЕК көлемінде айыппұл салынды
- ҰҚК академиясының түлегі «Қазақстан инжиниринг» ұлттық компаниясын басқарды
- Әйелі зорлық-зомбылық көргенін мәлімдеген қазақстандық дипломаттың ісі туралы айтылды
- Қазақстандық азамат шетелдік компаниядан 180 миллион доллар бопсалаған
- Қазақстан бұрынғы уақыт белдеуіне оралуы мүмкін
- Әбіләзовтың сыбайласы Бельгиядан Қазақстанға оралды
- Құлсары қаласының тұрғындары Жылыой ауданы әкімдігінің ғимараты алдында митинг өткізді
- Маңғыстау облыстық полициясы, ҰҚК, прокуратура басшылары отставкаға жіберілді