Мәскеу облысында Қазақстанның қатысуымен ірі көлік торабы құрылады

 Мәскеу облысында Қазақстанның қатысуымен ірі көлік торабы құрылуда, деп хабарлайды «Қазақстан темір жолы» Ұлттық компаниясы» АҚ баспасөз қызметіне сілтеп Orda.kz.

«ҚТЖ» ҰК» АҚ, «Славтранс-Сервис» АҚ (РФ) және қытайлық «Xian Free Trade Port Construction and Operation Co., Ltd» компаниясы Селятино станциясында (Мәскеу облысы, РФ) CRK Terminal жаңа көлік-логистикалық орталығы құрылысын бастады» делінген хабарламада.

Ақпаратқа сәйкес, 2023 жылы Қазақстан арқылы Қытай-Ресей бағытында және кері бағытта теміржол көлігімен транзиттік жүк тасымалдау көлемі 3,8 млн тонна болды (2022 жылға қарай 35%-ға өсті).

«Жобаны іске асыру жүктерді ауыстырып тиеу және өңдеу, оның ішінде қазақстандық жүк жөнелтушілер үшін бірқатар артықшылықтарды қамтамасыз етеді, жеткізу мерзімдеріне оң әсер етеді және контейнерлік тасымалдауды орта және ұзақ мерзімді жоспарлауға ықпал етеді. Бірлескен кәсіпорын жобаға қатысушылардың әлеуетін барынша арттыруға және логистикалық және терминалдық қызметте көрсетілетін қызметтердің ауқымын кеңейтуге мүмкіндік береді» делінген хабарламада. 

 2024 жылдың бірінші тоқсанында Қытай-Ресей-Қытай бағытындағы транзиттік тасымалдау 2023 жылғы деңгейде – 0,9 млн тонна болды.