Мас әкім көшенің түнгі жарығын тексерді

Солтүстік Қазақстан облысына қарасты ауылдық округ әкімі Қанат Дарбаев мас күйінде «түнгі көше жарықтарын тексерді».

Бұл туралы KTK телеарнасы хабарлады.

— Әкім мырза, неге сіз мас күйде рөлге отырдыңыз?
— Мен мас емеспін, жай түнде көшедегі жарықтандыруды тексеріп жүрмін.

Бұл әңгіме Солтүстік Қазақстан облысына қарасты ауылдық округінің әкімі Қанат Дарбаев пен оны түнде қызметтік көлігімен тоқтатқан патрульдік полиция қызметкерлері арасында болған.

Әкімнің қолын белдігімен байлап, оны мәжбүрлеп медициналық тексеруге апарды. Әкім ішімдік ішкенін мойындамай, наркологқа барудан бас тартты.

Нәтижесінде оған 15 тәулікке қамау жазасы берілді және 8 жылға жүргізуші куәлігінен айырылды. Ер адам апелляцияға арыз  беріп, өзін арандатқанын мәлімдеді. Мүмкін, жарық тексеруге кедергі келтіру үшін жарық беретін компанияның құпия жоспары шығар. Бірақ сот шешімі өзгеріссіз қалды.