Марқұм Аяжан Еділова «өлгім келмейді» деп жылаған
Марқұм Аяжан Еділованың әпкесі 31 арнада «Ащы да болса, шындық» бағдарламасында сұхбат берді.
Бұл туралы Orda.kz хабарлады.
Аяжан жақындары үшін өзгелермен тез тіл табысқыш, ашық жарқын мінезді болған. Туыстары Аяжанның жоқтығына әлі де сенбейді.
Әпкесі Нұргүл Әбеутәліпованың айтуынша, қаралы хабарды олар интернеттен көрген. Ал жоғалған кезде полицейлер арыз қабылдамай қойған.
– Суық хабарды интернет арқылы естідік. Біз біліп алғаннан кейін мәйітті танып, анықтауға шақырды, киімдерін көрсетті. Негізі 20 наурызда таңертең Аяжан келмеген соң, Алтынай деген сіңілім өз бетінше оны іздей бастады. Жатақханасына, жұмысына барып, құрбыларына хабарласып, өзі таба алмағаннан кейін полиция қызметкерлеріне түскі сағат 12-де шағымданған. Алтынайдың жанында Аяжанның досы болатын. Полицияға шығымданғандарында оларға: «Қалада митинг жүріп жатыр, арыздарыңызды қабылдай алмаймыз. Қазір сағат жаңадан 12-ден асты, мүмкін ол ұйықтап жатқан шығар. Біраздан кейін өзі хабарласып келеді» деп қайтарып жібереді. Аяжан оралмаған соң Алмат есімді інім 102-ге қоңырау шалады, тек сол уақытта кешкі 5-те іс қозғалады, - деді Нұргүл.
Өзіміз іздей бастадық
Шарасыз қалған Аяжанның жақындары полициядан еш көмек ала алмай, оны өз бетінше іздеген.
– Аяжанның жоғалғаны туралы оның Рауан есімді ағасынан түнде естідік. Таңертең әкесімен бірге Талдықорғаннан Алматыға жолға шықтық. Бізге Аяжанның телефоны Алғабас ықшам ауданында өшті деген ақпарат келіп түсті. Сол себепті бірінші кезекте іздеуді осы жерден бастадық. Әрбір үйге кіріп, Аяжанны суретін көрсетіп сұрап, өткен-кеткендерден сұрадық. Оның суретін сол маңайға ілдік. Алғабастың бір шеті айдала екен, ол жақтан да іздеп көрдік. Еріктілерден Аяжанның денесі табылды деген ақпаратты естіген соң, күдіктінің үйіне келдік. Бірақ бізге көліктен түсуге рұқсат етпеді. Төребековты жедел жәрдеммен әкетіп бара жатқанын білдік. Бізді пәтерден тек күдікті ғана табылғанын, Аяжанның жоқ екенін айтып сендірді. Ол жақтан Аяжанға аман деген үмітпен қайтқынымыз есімде бар, - деді марқұмның әпкесі.
Аяжан туралы естелік
Нұргүл «Аяжан өте тәрбиелі болған» дейді.
– Аяжан тәрбиелі қыз еді, оны еркелетіп өсірдік. Оның жаман қылыққа баратынына сенбейміз. Біздің қолымызда өсті. Адамға өте сенгіш болатын. Бір көрген адаммен тез араласып, тіл табысып кететін. Бір сағаттан кейін қарасаң, таныс емес адаммен туыс секілді сөйлесіп отыратын. Адам жатырқамайтын мінезді еді. Аяжанның құрбыларымен қыдырып, клубтарға, кафелерге барып жүргенін байқаған жоқпын. Ондай қылықтары болса, біз оны іздемес едік. Ол тіпті ешқашан кұрбысының үйіне қонып көрмеген. Айтқан уақытында үйіне келетін. Сол күні бірінші рет кешікті, бірінші рет кешігетіні туралы ескертпеді, - деді ол өзінің сұхбатында.
Соңғы хабар
Соңғы рет ол Аяжанмен Наурыз мейрамы қарсаңында сөйлескен.
– Ең соңғы рет анасына Наурыз мейрамы қарсаңында видео қоңырау арқылы хабарласты. «Жұмыстарымды бітіріп алайын, сосын төрт күндік демалыста келемін» деді. Мен де сол кезде анасының жанында едім. Маған сағынып кеттім деп еркелегені есімде. Анасы әлі жолға қарап, қызын күтетін сияқты. Келемін деп айтқаннан кейін ата-анасы күтіп жүрген болатын. Өзімізге де Аяжан әлі оқуда жүрген секілді болып көрінеді, - деді Әбеутәліпова.
Қатты жылады
Аяжан қаныпезердің құрбаны болмай тұрып, қатты жылаған екен.
– Алматыға келгеніне екі ай болатын. Өзім сол кезде оны басқа қалаға жібергім келмеді. Үйде қал, қазір ауру жүріп жатыр деп айттым. Үйде байлап отырған едім. Жұмыс істеп жүрген қыз еді, Талдықорғанда карантинде отырып күйзеліске түсіп кетті. Бір күні үйге келсем, жылап-жылап көзі қызарып отыр. «Не болды?» деп сұрасам, «Нұргүл мама, мен өлгім келмейді, мен өмір сүргім келеді» деп айтты. «Неге олай айтасың?» деп сұрап едім, «Енді адамдардың бәрі коронавирустан көз жұмып жатыр ғой. Егер мен коронавирус жұқтырып алсам, мені қайтсеңіз де, емдеп аман алып қалыңызшы. Мен өмір сүргім келеді» деп жылап көзі ісіп кетіпті. Сол кезде оны құшақтап, жұбатып, «Сен өлмейсін, сені алып қаламын» деп айттым. Үйден шықпай депрессияға түсіп кетті ме деп ойладым, - дейді Нұргүл.
Ешкім кешірім сұрамады
Күдікті осы күнге дейін оның туыстарынан кешірім сұрамаған.
– Бірнәрсеге үлгермей қалатындай асығып жүрді. Аяжан қайтып келмейді, енді оны көрмейміз дегенде үстіме ыстық су құйып жіберген сезімде боламын. Менің өзіме Аяжан тірі секілді. Оның суық денесін көрсем де, өлімге қыймаймын.
Аяжанның өліміне кінәлі деп айыпталған жігіт қанша адамның қарғысына қалды. Бізбен бірге бүкіл қазақстандықтар қайғырды. Өз басым, оны өмір бойына түрмеге қамау керек деп ойлаймын. Күдіктінің туыстары кешірім сұрап келген жоқ. Бір шетінен келмей-ақ қойғандары дұрыс-ау, - деді Аяжанның әпкесі.
Еске салсақ, 19 наурызда Аяжан Еділова жоғалып кеткен. 21 наурызда Алматыдағы көп қабатты пәтерлердің бірінен оның бөлшектелген денесі табылды. Қазіргі таңда аталған оқиға бойынша тергеу амалдары жүріп жатыр.
Жаңалықтар
- TikTok жұлдызы Мұрат Әбділданың мерзімінен бұрын босату туралы өтініші қаралды
- Мемлекет басшысы биліктегі біршама тұлғаларды орнынан босатылып, біршама тұлғаларды тағайындады
- Үйі жоқ халықты коммуналдық төлемдерден босату қаншалық орынды?
- Футбол добының орнына кірпі: Ақтөбеде жігіттерге қатысты қылмыстық іс қозғалды
- «Самұрық-Қазына» өзінің еншілес ұйымына екі ірі су электр станциясын берді
- Мемлекет басшысы Малайзия Премьер-министрі Ануар Ибрагиммен кездесті
- Дұғалар, прокуратура, облыс әкімі және Атыраудан жүк көлігі: Құлсарыдағы митинг жалғасып жатыр
- Оралдағы су басқан саяжайлардың тұрғындары тағы да әкімдікке жиналды
- Енді үйдегі интернетті телефон арқылы қосуға болады
- Тоқаевтың Жарлығымен Нұрлан Асқарұлы Ноғаев Маңғыстау облысының әкімі лауазымынан босатылды
- Татарстанда қазақ тілі оқытылатын болады
- Қазақстан Энергетика министрлігі басшылығының мессенджерлеріне хакерлік шабуыл жасалды
- Депутат баспананы табиғи апаттан сақтандыруды міндеттеуді ұсынып отыр
- Boeing ұшақтары қауіпсіз бе: АҚШ-тың Әділет министрлігі тергеуді бастады
- Әділет министрлігі екі саяси партияны тіркеуден бас тартты
- ҰБТ-2024 Қазақстанның он төрт облысында басталды
- Әлия Назарбаеваның рейдерлік әрекеті халықаралық деңгейге шығады
- Назарбаевтың бұрынғы келініне қатысты іс: Сот қашан басталады?
- Қазақстанда мәдениетсіз әртістер айыппұлмен жазаланады
- Бишімбаев ертерек бостандыққа шыға ала ма?