Маңғыстауда 10 адамның өмірін жалмаған апатқа себепкер болған жүргізуші бір айдан соң қамалды

Маңғыстау облысындағы он адамның өмірін қиған жол апатынан бір ай өткен соң Toyota Hiace шағын автобусының жүргізушісі қамауға алынды, деп хабарлайды Orda.kz.

Осы уақытқа дейін ол жарақаттарына байланысты ауруханада болған.

«Сот шешімімен жүргізуші тергеу изоляторына қамалды»,  деп мәлімдеді облыстық полицияның баспасөз қызметі.

Айта кетейік, 11 қыркүйекте Маңғыстау облысы Қарақиян ауданы Сенек ауылынан 90 шақырым жерде жол апаты болып, 10 адам қаза тапты.

Облыстық ПД мәліметінше, Toyota Hiace жүргізушісі көлікті басқара алмай қалған. Салдарынан жолаушылар отырған шағын автобус жол жиегінен шығып, аударылып кеткен. Сегіз адам оқиға орнында көз жұмды, тағы екеуі ауруханаға барар жолда қайтыс болды.