Маңғыстау облысында жолаушылар автобусы апатқа ұшырап, 4 адам ажал құшты

Маңғыстау облысында 15 қаңтардан 16 қаңтарға қараған түні қайғылы жағдай болды. Жол апаты Ақтау – Бейнеу автожолында болған, деп хабарлайды Orda.kz. 

Алдын ала мәліметтерге сәйкес, «Yutong» маркалы автобустың жүргізушісі көлік тізгініне ие бола алмай, автобус жол жиегіндегі сайға аударылған. Салдарынан 4 адам қаза тауып, 42 жолаушы жарақат алған. Оның 17-і ауруханаға жатқызылды. 

Аталған дерек бойынша қылмыстық іс қозғалды. Автобус жүргізушісі уақытша ұстау изоляторына қамалды.

Айта кетейік, 14 қаңтарда Рысқұлов ауылының тұрғынын өлтірді деген күдікпен 45 жастағы ер адам ұсталып, уақытша ұстау изоляторына қамалды.