Мақпал Жүнісова Заманбек Нұрқаділовтің соңғы өлеңдерін жариялады

Мақпал Жүнісова әлеуметтік желідегі парақшасында марқұм болған жұбайы Заманбек Нұрқаділовтің соңғы өлеңдерінен үзінді жариялады, деп хабарлайды Orda.kz.

Ол 2005 жылы өмірден өтерінің алдында жазылған өлең жолдарын жариялап, жазбасына:

«Заманбек Нұрқаділовтің 2005 жылы жазған соңғы өлеңдерінен үзінді» – деп жазды.

Мақпал Жүнісова «Мақпалға»,  «Элегия»  және т.б өлеңдерін шығарды.

Заманбек Нұрқаділовтің қазасы әлі күнге дейін ел ішінде айтылып келеді. 2005 жылы қараша айында ол өз үйінде мерт болды. Ресми нұсқа бойынша, саясаткер өз-өзіне 3 рет оқ атып қол салған деп айтылды. Алайда жұрт бұл оқиғаға сенбей, оны саяси тапсырыспен өлтірілген деп топшылайды. Себебі сол кезде Нұрқаділов билікті ашық сынап, елдегі әділетсіздік пен жемқорлық жайында өткір пікір білдіріп жүрген еді.