LRT құрылысы жанданды: Астанада қазан айына дейін жол қозғалысы шектеледі

Астана тұрғындары мен қала қонақтарына қыркүйектің соңына дейін жалғасатын көшелердің екі бөлігінде қозғалыс шектелетіні туралы ескертілді, деп хабарлайды Orda.kz.

Елордадағы LRT құрылысына байланысты шектеулер келесідей:

• 20 сәуірде сағат 21: 00 ден - 25 қыркүйекке дейін 113 станциясында Министрліктер үйінен Арыс көпірі жағынан келе жатқан көліктер үшін Сығанақ көшесінен Мәңгілік Ел даңғылына (Достық көшесіне қарай) оң жақ шығатын жолда қозғалыс шектеледі;

·        22 сәуірден 20 қыркүйекке дейін Қабанбай батыр даңғылының «Астана Жұлдызы» стеласынан Хусейн бен Талал көшесіне жетпейтін учаскесінде 106 станциясы ғимаратының қасбетін тұрғызуға байланысты жолдың жүру бөлігін үш жолақтан бір жолаққа тарылту арқылы көлік қозғалысы шектеледі.

Осыған орай Астана тұрғындары мен қонақтары қозғалыс бағытын алдын ала жоспарлауы тиіс.

Бұған дейін Астана әкімі Жеңіс Қасымбек  LRT құрылысының аяқталу мерзімі туралы айтып, сондай-ақ қоғамдық көліктің осы түрімен жол жүру құнын анықтаған болатын. 

Биылғы наурыз айында Тоқаев Астана әкімінің орынбасары болған кезінде ЛРТ құрылыс жобасына жетекшілік еткен Ерсайын Нағаспаевты Индустрия және құрылыс министрі етіп тағайындады.