Лиза Пылаеваның ісі бойынша нүкте қойылды

Жоғарғы соттың қылмыстық істер жөніндегі сот алқасы алты жастағы Лиза Пылаеваның өліміне қатысты іс бойынша кассациялық шағымды қарады, деп хабарлайды Orda.kz.

Кассациялық қадағалау шеңберінде Бас прокуратура Ольга Шмакова, Леонарда Рыжакова және Ухтам Махмудовқа қатысты бұрын шығарылған ақтау үкімін заңсыз деп танып, оның күшін жоюды және істі қайта қарауға жіберуді сұрады.

Алайда Жоғарғы сот кассациялық шағымды қарап, үкімді өзгеріссіз қалдырды. Судьялар алқасы өз шешімін былайша түсіндірді:

Сондай-ақ судьялар «Сот – қылмыстық қудалау органы емес және тергеудегі кемшіліктерді түзетуге міндетті емес» екенін атап өтті. Осы себепті бұған дейінгі сот шешімдері заңды әрі әділетті деп танылды.

Істі Жоғарғы соттың қылмыстық істер жөніндегі сот алқасы қарады. Оның құрамына төрағалық етуші судья Рахметуллина, сондай-ақ судьялар Волкова мен Мергенова кірді.

Лиза Пылаева 2019 жылғы 12 мамырда алты жасында отбасымен бірге тұрған жеке үйдің ауласында қаза тапты. Тергеу нұсқасы бойынша, Ольга Шмакова аулада көлік жүргізіп жүріп, жиенін қағып кеткен. Ал қорғау тарабы баланың үстіне ауыр мүсін құлағанын алға тартты.

Қылмыстық іс ҚР Қылмыстық кодексінің бірнеше бабы бойынша қаралды: 99-бап 2-бөлім, 14-тармақ («Кәмелетке толмаған баланы қасақана өлтіру»), 420-бап 2-бөлім («Көрінеу жалған айғақ беру, сарапшының, маманның қорытындысы немесе теріс аударма») және 432-бап («Қылмысты жасыру»).

2024 жылғы қазанда Алматы қаласының қылмыстық істер жөніндегі мамандандырылған ауданаралық соты Ольга Шмакова, Леонарда Рыжакова және Ухтам Махмудовты ақтау туралы шешім шығарды. Бес жылға созылған істің нәтижесінде олардың кінәсі дәлелденбегені себепті үшеуі де толық ақталып шықты.