Лифт ішінде жасөспірім бетін жарақаттаған баланың сол жақ беті сал болып қалды

Астанада жасөспірім лифтте 5 жасар баланың бетін бірнеше рет пышақпен тілгеннен кейін, баланың сол жақ беті сал болып қалды, деп хабарлайды Orda.kz.

Бұл жағдайды жарақат алған баланың анасы хабарлады:

«Бетіне пышақ сұққаннан соң ұлымыздың сол жақ бет жүйке талшығы зақымданды. Қазір сол жақ беті қимылдамайды»,деді анасы. 

Әйел баласын шетелге оңалту курсына апаруды жоспарлап отыр.

Еске салайық, жасөспірім Астанадағы тұрғын үй кешендерінің бірінде бес жасар балаға пышақпен шабуыл жасаған еді. Оқиға бейнебақылау камерасына түсіп, мессенджерлер арқылы тарады. Кейін оның психоневрологиялық диспансерде шизофрения диагнозымен есепте тұрғаны анықталды. 

Жақында 5 жастағы баланың бетін тіліп, қашып кеткен жасөспірімге сот үкім шығарды. 14 жастағы жасөспірім мәжбүрлі емге жіберілетін болды. 

Orda.kz еліміздегі психдиспансерлердегі зорлық-зомбылық тақырыбын көтеріп, зерттеу мақала жариялаған еді. Онда Orda.kz тілшісі әлем елдері осы мәселенің шешімін қалай тапқанын зерттеп, сарапшылардың пікірін ұсынды.