Қызылордада 15 жастағы қызды бірнеше рет зорлаған колледж студенті ұсталды

15 жастағы қызылордалық қызды 21 жастағы колледж студенті бірнеше рет зорлаған. Жәбірленуші жігітпен дос болып араласқанын айтты, деп хабарлайды Orda.kz.

Жасөспірім қыз жігітпен жұмыс істеп жүргенде танысқан екен. Екеуі дос болып араласып, ортақ таныстарының үйіне қонаққа барған. Жігіт қызды алғаш рет сол жерде зорлапты. Тіпті, жігіт қызды зорлап болғаннан кейін үйіне өзі алып барып тастаған. Болған оқиғаны ешкімге айтпауын тапсырып, қоқан-лоқы көрсеткен. 

Студент жігіт бұл азғындық әрекетін бірнеше рет қайталаған. Кейін болған оқиғаны қыздың анасы біліп қояды. Жігіт кешірім сұрап келіп, қызға үйленетінін айтады. 

Жігіт қызға үйленгенімен, оны ұрып-соғып қинайды. Тіпті, әйелінің саусақтары мен қолдарын тіліп тастайды. 

Полиция болған жағдайдан кейін жігітті қамауға алды.

Айта кетейік, Оралда 6 жастағы қызды зорлаған ер адам өмір бойына сотталды.