Қызметкерлердің сыйақыларын тартып алған: Түркістан облысында ветеринарлық басқарманың басшысы сотталды

Түркістан қаласында сот облыстық ветеринарлық басқарманың басшысы Бегмановқа үкім шығарды, деп хабарлайды Orda.kz.

Антикор мәліметінше ол өз қызметтік өкілеттігін асыра пайдаланды деп танылды. Ведомствоның хабарлауынша, басшы ауданның мал дәрігерлерінен  ақша талап етіп, шамамен 5,5 миллион теңге жинаған.

Бұл қаражат қызметкерлердің сыйақыларына тиесілі болған. Бегмановтың іс-әрекетінен 115 адам зардап шеккен.

Облыстық басқарма басшысы 3 жыл 6 ай мерзімге бас бостандығын шектеу жазасына кесілді. Сонымен қатар, ол өмір бойы мемлекеттік қызметте жұмыс істеу құқығынан айырылды. Сот үкімі заңды күшіне енген жоқ.