Қызмет құнын жоғарылатқан Қазақтелекомға қатысты тергеу басталды

Бәсекелестікті қорғау агенттігі Қазақтелекомға қатысты тергеу басталғанын мәлімдеді, деп хабарлайды Orda.kz. 

Тергеу жүргізуге Қазақтелекомның бағаны жоғарылатқаны себеп болған. 

Мәселен, 2024 жылы Қазақтелеком ұсынатын интернет тарифтері 20 пайызға дейін өскен. Бұл монополиялық жоғары баға белгілеу әрекеті ретінде қаралып отыр.

Сондай-ақ, көпқабатты үйлерге балама операторлардың интернет желісін кіргізу қиындаған. Кабельдік инфрақұрылымға қосылу үшін операторлардан ақы талап етілген. Ал заңда ондай талап көзделмеген.

Айта кетейік, Астанада ер адам өзін табысты кәсіпкер ретінде көрсетіп, төрт адамды іскерлік ынтымақтастық мақсатында автонесие алуға көндірген. Несиелерді төлемей ізін суытқан күдіктіге сот үкімі шықты.