Қытай мен АҚШ басшылары ядролық салада ЖИ-ті бақылауды ұсынды

АҚШ президенті Джо Байден мен Қытай төрағасы Си Цзиньпин ядролық саладағы жасанды интеллектке адами бақылауды сақтауды жақтады, деп хабарлайды Orda.kz.       

Саясаткерлер ядролық қаруды қолдану туралы шешімді жасанды интеллект емес, адамдар қабылдауы керек дейді, деп хабарлайды Reuters. Олар ЖИ негізіндегі жүйелермен байланысты тәуекелдерді шешу қажеттігін атап өтті.

Айта кетейік, олардың кездесуі Перуде өткен Азия-Тынық мұхиты экономикалық ынтымақтастығы (АТЭС) саммиті аясында өтті.

Джо Байден мен Си Цзиньпиннің келіссөздері бір сағаттан астам уақытқа созылды. Осы уақыт ішінде олар екіжақты қарым-қатынастарды, сондай-ақ аймақтық және жаһандық мәселелерді талқылады. 

Си Цзиньпин сонымен қатар Қытайдың президенттік сайлауда жеңіске жеткен Дональд Трамптың жаңа әкімшілігімен жұмыс істеуге дайын екенін мәлімдеді.