Қыста астаналық оқушылардың сабақтары қысқармайды

Астана қаласының Білім басқармасы мектептерде қыс мезгілінде сабақ ұзақтығын қысқарту туралы бұйрық шығармағанын мәлімдеді, деп хабарлайды Orda.kz.

«Күн тәртібінде бұндай сұрақ жоқ», - деп атап өтті департамент.

Қараша айының басында журналистер Білім министрі Ғани Бейсембаевтан ата-аналардың балалары сабақтан кеш қайтатыны туралы шағымына министрлік жауап бере ме деп сұраған.

Министр сабақ уақытын қысқартқан мектептер оны каникул кезеңдері немесе жаздағы демалыста өтейтінін айтты.