Қырғызстан президенті өзінің іс басқарушысына ескерту жасады

Қырғызстан президенті Садыр Жапаров өзінің іс басқарушысы Қаныбек Тұманбаевқа Ош қаласында сатушыларға дөрекілік танытқаны үшін ескерту жасады, деп хабарлайды Orda.kz.

Бұл туралы мемлекет басшысының баспасөз-қызметшісі Асхат Алагөзов өзінің Facebook парақшасына мәлімдеді.

«Мемлекет басшысы халық арасында этика нормаларын, сабырлық пен қарым-қатынас мәдениетін сақтау қажеттігін атап өтіп, барлық мемлекеттік қызметшілерге азаматтармен дұрыс әрі сыйластық таныта отырып сөйлесуді міндеттеді», деп мәлімдеді баспасөз-қызметі.

4 ақпанда Қаныбек Тұманбаев Ош базары саудагерлерімен базар орнын ауыстыру мәселелері бойынша кездесу өткізді. Куәгерлердің айтуынша, кездесу соңында ол жекелеген адамдармен дөрекі сөйлескен.

Оқи отырыңыздар:

• Тоқаев қорғаныс министрі орынбасарларымен кездесті
• Қазақстан-Қырғызстан шекарасында не болып жатыр?
• Әзірбайжанда мектеп оқушысы мұғаліміне оқ атты