«Құмар ойынына салған»: Жамбылда малшы қожайынның малын сатып жіберді

Жамбыл облысында бөтеннің мүлкін иемденген ер адамға қатысты қылмыстық іс қаралды, деп хабарлайды Orda.kz. 

Тергеу бойынша, сотталушы 2018 жылы жәбірленушімен жазбаша еңбек шартын жасасады. Ер адам 63 бас ірі қара мал және 423 бас қойды бағуға келісім береді. 

2024 жылдың қыркүйегі мен 2025 жылдың қаңтары аралығында сотталушы мал иесінің  бақылауының жоқтығын пайдаланып, малдарды сатып жібереді. Ал қаражатты өзі иемденіп, құмар ойындарға жұмсаған.

Малшы жәбірленушіге 14,5 млн теңгеден астам сомада материалдық залал келтірілген. Сот шешімімен ол 3 жылға бас бостандығынан айырылды. 

Айта кетейік, Маңғыстау облысында «Sax Invest» қаржы пирамидасының құрылымдық бөлімшесін басқарған ұйымдасқан қылмыстық топ анықталған еді. Ұйымдастырушылардың бірі казиноға 2 млрд теңге тіккен.